بـ الغيوان ـوح المديرة العامة
عدد المساهمات : 109 تاريخ التسجيل : 18/09/2012
| موضوع: كلمات قصيدة الدمليج الحسين التولالي السبت سبتمبر 29, 2012 10:56 pm | |
|
دمليج زهيرو صابغ الشف**كان فجيبي يا أهل الهوى**ومشى ليَّ باش نجاوب إلى تسال**عنو تاج الغزلان غاب زمان الهجرة**وتاك بدري وهنا قلبي وراح**من كل بلية مهما زارت رسمي**هلال عيدي راحة العيان بتنا فحديث الحب**والهوى وغزالي تهدي**مدام كاس الحمية واحنا فبساط رفيع**ليس دركو عاشق فزمان حتى راح الديجور**والصباح تجلى ورمات**فالشروق الذهبية وطيار الروض عل الاغصان**تنشد طبع صبيهان قالت مصباح الزين**يا العاشق هذا وقت الرواح**من غير خفية ودعتك في حفظ الكريم**من لا تراه عيان نطقت وقلت لبودلال**خفت يطول الميعاد** يا العذرا البهية ولا تسناني يا الريم**وتخليني هيمان جبدت ولفي دمليج**من ايديها زين الشفرين**روح ذاتي الدمية قالت ليَ يا عاشق**البها لا تبقى حيران هاك الدمليج أعاشق**المحاسن صونو وحضيه**فالحجوب السرية حتى نهدف ونزور**مرسمك نصيبو محصان ودعت هلال الزين**تاج البها ورجعت من الفراق**روحي مدهية وعملت فجيبي بالاشواق**دمليج ضيا العيان تم الدمليج مشى**وطاح لي وبقى عقلي كيهوم**صبحاً وعشية وانا لا حالة كيف**حالتي في الضي وديجان ***** دمليج زهيرو غاب ما بان**وبقيت من فراقو مهموم حزين ما شاف مثيلو فذ سلطان**عند العراب ولا فالهندوسين دمليج لا يوجد فمكان**فالروسيا ولا فخزين ستالين دمليج الموضة يا فهيم**من ذهب الصين وجا**لتاج البنات هدية صنعوا ماهر ذوقي لبيب**وحكيم من اليونان دمليج مرصع بالادرار**من شغل الأناضول**فيه حجرة تركية دارت بحجار الفوندو**لا يدرك بثمن دمليج لا مثلو وجاد**عند الملوك الفايتين**في وطن أسية ولا فالكندا ولا في أرض**غموق السودان دمليج ما وجاد مثله**في أرض الشام دون**ريب وسورية ولا في القاهرة**الصايلة ولا في عمان دمليج الموضة ما وجاد مثله**عند اللي حايزين**همة ومزية ولا دركوه اهل الاموال**في الفرس وخرسان دمليج الموضة ما يخلصو**مال الأمريك**والمدن الشرقية وكذلك مال اسبانيا**وغرناطة واشبيليان مدت لي تاج الاريام**هاذ الدمليج ولا عرفت**كيف جرى بيَّ وعملتو في جيبي وطاح لي**ومشى يا الاخوان ********************** طاح الدمليج وحار أمري**وبقيت كنخمم ضي وديجور يعذر حالي من كان عذري**ولا من بحالي جرحو معكور سرت نفتش ونزاح صبري**وانا كليح هايم والدمع يفور درت في باب الخوخة**مع الكنيف وحوز الكدان**ما ارثى حد عليَّ ورجعت على الصفاح**كنسول دمعي هتان ودخلت مع الاقواس**والجزيرة فت العدوة**مع حواز المخفية بوعجَّارة درتو**على النهاية واكد عجلان قطعت الواد وسرت**للصفيفح وانا حالي كظيم**ما صبت حمية وطلعت علىراس الجنان**سولت اهل الغيوان فتشت على الدمليج**يا الفاهم في الدوح ولا جبرت**من يصغى ليَ ودخلت على صلاج**كنفتش وانا ولهان ما صبت من اعطاني خبار**ولا من شافو يا رجيح**فأحضان صبية وبقيت على الدمليج**كنسول سر ويعلان *********** سولت على الدمليج الاريام**وانا فغير حال وقلبي مسقوم درت فدرب السراج بقوام**والطالعة الصغيرة فضي وديموم سولت بعرفي ناس الغرام**وجميع من صبية فبنات اليوم درت فدرب الحرة**مع السياج على دمليجي**سألت ولفي ثرية قالت لي ما شفتو**ولا جبرت خبارو فمكان سول فالقطانين**راك تجبر تَمَّ جمع الاريام**عند العشوية ومشيت وسلت اهل الهوى**وليس اخبرني إنسان قالوا لي سول يا عشيق**في حومة البليدة**إلى جبرتي مارية لعل تعطيك الخبار**بالدمليج المصان ومشيت للبليدة ودرت**درب الميتر وسألت**كل من هي ذوقية وكذاك فناس الحب**والذي شاخو فالهجران ومشيت ودرت الزنزفور**وانا واله وحدي**دمع العيان سخية والحفارين جميع درتها**وزقاق الرمان **************** طال شقايا وهجرت المنام**وانا كظيم هايم والعقل فليج من حر الصد فقدت المنام**بين الضلوع جمري موقود سريج و فنا جسمي يا صاح وسقام**لا حال حالتي بفراق الدمليج فتشت فبوعقدة**على النهاية وزقاق الما**مشيت لو في صبحية ما صبت خبارو عند**حد من الكهول وشبان وطلعت ليامن يا سريع**راحت الشمس الاولى**ديك الفوقية ولدرب بن عزاهم**سرت كالح قلبي لهفان ومشيت محزم يا فهيم**فتشت احواز الطالعة**وناري مكدية فطريق السنيما لقاوني**زوج بنات كران شافوني ناس الحب**كنسول قالو مالك**روح ذاتك مهدية قلت مشى لي دمليج**من فراقو عقلي هيمان قالت وحدة يا عاشق البها**دمليجك موجود**عند هيفا بركية لقاتو قالت لي نهار**كان يزور السلطان طحت وبست الأرض**قلت لها لاقيني بيه**يا الريم العذرية قالت دابا ياتيك بالوفا**وهنا واطمئنان قلت لها يا تاج البدور**وين يكون الميعاد**بينا دون خفية قالت يوم الجمعة**الجاية تلقانا وكدان أجينا لجنان السبيل**قدام الصهريج الكبير**وقت الذهبية تم رجانا ولاّ تصيبنا**نرجاوك يعلان ************ رق الخاطر ونسيت الكدور**ونكيت يا الفاهم جمع الحساد وفرح قلبي ومشيت مبشور**بقيت كنراجي شاخص التماد في يوم الجمعة قمت مسرور**مشيت بالاشواق في وقت الميعاد صبت بنات الغيوان**كتراجيني في الموعد**بالجلالب فضية وشرابل من الذهب الشريق**والتلثيمة حسن قالو سهلا وميات**مرحبا بالعاشق الغريم**ليك بشرى وهنية بايعت وقلت على** وصولهم تتفاجا الكدور قالوا ومشاو بزوج**باللطافة جابو وحدة**ثالثة كَنّْ ثرية قالوا هذا العشيق**صاحب الدمليج الفتان قالت لي سود النجال**دمليجك عندي دون**ريب ولا شكية لكن إلى تمشي**لعندنا تسطاب الكيسان قلت لها يا ع** البنات مالي قدرة حتى**نخون بعد الولفية راقب فيا وجه الكريم**نعم الحي المنان مدت لي دمليجي**وقلت ليها يجزيك بكل خير**خالق البرية قالت فالحين بلا جميل**حشى مثلك يهان ثم ودعت الباهيات**وفرح قلبي ونسيت**كل ما فات عليَّ ولقاني بالدمليج**رب الورى خالق الاكوان ************ دمليج الموضة جا ليدي** واظفرت بيه وتفاجا كل احزان وافرح قلبي ونسيت نكدي**ورسلت للوجيبة صبيغة الاشفار راحت القلوب هلال عيدي**سلطانة الغوالي حرة البكار وصلت رسمي تاج** البدور زينة الاسم مكمولة**البها الهواوية صابت قلبي مسرور**بالوصول وناشط فرحان وانا محتال على**وصولها من شوقي وجدت**كل ما يزهى ليَّ المقاعد والشليات**جبتهم من الهندوسان مهما جلست تاج الاريام**نزلت انواع الطبخ**والتفاكه وقتية كوكا كولا خلف الطعام**شلّى نحكي بلسان قالت مصباح الزين**يا العاشق وين الدمليج**قلت لضيا عينيَّ دمليجك وضرتو**وغاب عنّي ومشى ما بان واحكيت لها يا صا** ما جرى لي وهلال الزين**بارزة تصغى ليَّ وانا قلبي مجروح**فوق خدي دمعي هتان قالت فالحين هنا وريع**واعرف دمليجي يا عشيق**ما يبقى فيَّ قرب لهنا نزهاوا ساعنا**صول وانسى الأحزان
دمليج زهيرو صابغ لشفر كان فجيبي يا أهل الهوى ومشى ليَّ باش نجاوب إلى تسال عنو تاج الغزلان
. . .
:المنشد
الحسين التولالي
_
| |
|