chameleon998
عدد المساهمات : 4 تاريخ التسجيل : 04/10/2012
| موضوع: ما قريت حساب الخميس أكتوبر 04, 2012 1:02 pm | |
| قال الحكيم ما ترافق حتى تجرب، أوما تزرع حتى تزرب و أنا غشيم ما درت بالأحكام ملي لقيت الناس على الفلايك تركب ما قريت حسابي، و أنسيت راني ماشي عوام
ما دربني لفكر حتى لقيت راسي بين المواج أنقاسي أو لا أحد داها فهمي كولا يقول أراسي يا اللي بيدو روحي أو بيه خلاصي يكفي عفاك ما بقيت عرفت طريق نعاسي
يا اللي قلبك قاسي ، أنت البحر و أنا بين أمواجك، ما بقى لي حيل نصبر شحال يقدني وأنا ماشي عوام نكابر أنت اللي قلبك رخام، فات قساوت الحجر
واش دنبي رافقتك ما جربت من قبل؟ وليت كل ليلة نبكي حال الصوف عالمغزل واش أراسي أنت قاد ڭاع هاد الحمل؟ واش بيدك أدتي ما يتعمل؟
واش دنبي زرعت ما زرٌبت؟ أنا اللي قلت لقيت لروحي غير داتي دات أولا الرحمة فهاد الزمان تقادات؟ شرب أقلبي أنت اللي هملتي الحكمات
اللي قرا هاد السطور، نوصيه لا يدير بحالي يقضي ليلو دموعو يلالي و غير الخليل، ما يروقو لا أهل ، لا والي يصبح راس مالو عصى، يهيم فالبلدان بوهالي
سي محمد النماوي[/center] | |
|